لواشيعوضني الدمع آنا الخسرته هواي على رملة امل كل عمري وشلته
وآنا الباكو نهاري ورحت ادوره بليل والمسودن طبع ميعوف سالفته
على نفس الدرب ذبولي بس الصوف حتى ارجع وأكول ذياب ماكلته
وانا الماصبر والعطش ماوازاه دنت نفسه وذبح بالصحرة واحلته
كلب ماجنه كلبي جني متبنيه جرعته التعب مايوم دللته
طفل من ايده اكوده وهو يمشي وياي وعلى ضحكه بكهف للموت نزلته
انقفل باب الصبر كدما ادك عليه مو خالي كرم بس آنا مللته
بعد ماهد سهم كون الطريده بعيد مابيها فخر لو كول وصلته
وشفت عصفور ميت كل جرح مابي حرت هذا المنيه شلون واصلته
شلت راسي وشفت بالشجرة عش محروك كلت هذا السبب والحركه كاتلته
ونفس موته متت والجسد لحد الروح وحسرات الجفن وبدمعي غسلته
وسحب سيفه الزمن هل من منازل صاح اعزل ماخفت والزمن نازلته
ما لحته ابد لكن ترسني جروح بس عندي المهم ماعفته قاتلته
دبسك ياضميري الصار بيه هواي بَسك هل عمر مايوم جاملته
حذر بسوالفي نكلة جدم صياد وإسأل خاطرك مايوم جفلته
كصبه على الجرف يدفعها روج الظيم ويحنيني الهوى بس طبعي عدلته
وروحك هم مثل روحي بهاون؟!
وتدور على الفرح كاعه بهاون
عشت عمري مثل كهوة بهاون
يدك والنار عينها عليه....
مع خالص محبتي ومودتي